मुंबई : गेल्या काही दिवसांपासून महाराष्ट्रातील राजकारणात प्रचंड विचित्र घडामोडी घडल्या. त्यामुळे महाराष्ट्राच्या राजकारणत काहीही होऊ शकतं, याचा प्रत्यय महाराष्ट्राच्या जनतेला आला आहे. दरम्यान, शिवसेना पक्षप्रमुख उद्धव ठाकरे आणि महाराष्ट्र नवनिर्माण सेनेचे अध्यक्ष राज ठाकरे पुन्हा एकत्र येणार आहेत का? याबाबत अनेकदा चर्चा झाल्या आहेत. ठाकरे कुटुंबाने एकत्र यावं, अशी जनतेची भावना आहे. याच विषयी राज ठाकरे यांच्या पत्नी शर्मिला ठाकरे यांना प्रश्न विचारला असता त्यांनी सूचक विधान केलं. तिथून काही ऑफर आली तर बघू, असं शर्मिला ठाकरे यांनी म्हटलं आहे.
शर्मिला ठाकरे सध्या पुणे दौऱ्यावर आहेत. या दौऱ्यात पत्रकारांनी आदित्य ठाकरेंच्या राज्य दौऱ्यावर तुमची प्रतिक्रिया काय आहे असे विचारले असता शर्मिला ठाकरे यांनी आदित्य ठाकरे यांना शुभेच्छा दिल्या आणि यशासाठी प्रार्थनाही केली.
दोन एक होऊ शकतात, पण आधी ठाकरे बंधूंची भेट घ्यावी
एकनाथ शिंदे यांच्या बंडखोरीनंतर शिवसेनेत मोठी फूट पडली होती. शिवसेनेच्या 55 पैकी 40 आमदार शिंदे गटात गेल्याने आणि 18 पैकी 12 लोकसभा खासदार शिंदे गटात सामील झाल्यानंतर आणि राज्यात सरकार बदलल्यानंतर उद्धव ठाकरे एकटे पडताना दिसत आहेत. काँग्रेसचे प्रदेशाध्यक्ष नाना पटोले यांनीही महाविकास आघाडी ही कायमस्वरूपी आघाडी नाही, असे विधान त्यांच्या वतीने केले आहे. अशा स्थितीत उद्धव ठाकरेंसमोर आघाडी वाचवण्यापेक्षा शिवसेना वाचवण्याचा मोठा लढा आहे. अशा वेळी शर्मिला ठाकरे यांच्या वक्तव्याने नव्या चर्चेचे वादळ वाढले आहे.
हे पण वाचा :
ह्दयद्रावक! सातव्या थरावरून पडलेल्या गोविंदाचा मृत्यू, थरार व्हिडिओ समोर
बीटरूट खाण्याचे ‘हे’ फायदे तुम्हाला माहिती नसेल? जाणून लगेचच खाणे सुरु कराल
क्रूरता ; पत्नीला पतीने ट्रेन खाली ढकलल्याचा संतापजनक व्हिडीओ समोर
‘ऑफर आली तर येऊ द्या’
पुण्यात मनसेच्या ‘गणपती आमचा किम्मत तुमची 2022’ या कार्यक्रमाचे उद्घाटन शर्मिला ठाकरे यांच्या हस्ते झाले. यावेळी त्यांनी राजकीय भाष्य करण्यापासून अंतर ठेवले असले तरी ठाकरे बंधूंसोबत येण्याची शक्यता काय? त्याला उत्तर देताना शर्मिला ठाकरे म्हणाल्या, ‘प्रस्ताव आला तर येऊ द्या.’ त्याच बरोबर आणखी एका प्रश्नाला उत्तर देताना शर्मिला ठाकरे म्हणाल्या की, ‘माझ्या नवऱ्याच्या हातात सत्ता आली तर राज्यातील रस्ते होईल. उत्कृष्ट मला असे वाटते.’
