पाचोरा (प्रतिनिधी) :- येथील शिवसेना-भाजपा-रिपाई(अ)-रासप-शिवसंग्राम महायुतीचे उमेदवार किशोर अप्पा पाटील उद्या दि.३ ऑक्टोबर गुरुवार रोजी आपल्या हजारो समर्थकांसह उमेदवारी अर्ज दाखल करणार आहेत. यासाठी पाचोरा येथील आठवडे बाजार येथील मैदान सज्ज झाले असून अर्ज दाखल करण्या आधी येथे प्रचंड जाहीर सभा होणार आहे.
या सभेला शिवसेना उपनेते नितीन बानगुडे पाटील, खासदार उन्मेष पाटील, एकलव्य सेनेचे ना.शिवाजीराव ढवळे, माजी मंत्री अब्दुल सत्तार, किशोर आप्पा पाटील संबोधित करणार आहे. व यानंतर आमदार किशोर अप्पा पाटील भव्य रॅलीसह उमेदवारी अर्ज दाखल करणार आहे. उमेदवारी अर्ज दाखल करण्यासाठी शिवसेना-भाजपा-रिपाई(अ)-रासप-शिवसंग्राम महायुतीच्या कार्यकर्त्यांनी मोठ्या संख्येने उपस्थित राहण्याचे आवाहन महायुतीच्या पदाधिकाऱ्यांनी केले आहे.
