पाचोरा, (प्रतिनिधी)- न.पा. प्रशासनाकडे वेळो- वेळी मागणी करून देखील सफाई कर्मचारी सफाईसाठी येत नाहीत आले तर नाममात्र शोसाठी कामे करतात शिवाय पावसाळ्यापूर्वी जी पूर्वतयारी करायची असते ती देखील न.पा. प्रशासनाने केले नाही एवढेच नव्हे तर पाचोरा शहरासाठी स्वच्छ पाणीपुरवठा मिळावा यासाठी जुन्या पाण्याच्या टाकी जवळ फिल्टरेशन प्लांट उभारण्यात आलेला आहे.येथून स्वच्छ पाण्याचा एक थेंब सुद्धा पाचोरेकरांना मिळत नाही हा भाग वेगळा परंतु याठिकाणी चक्क शहरातील घंटागाड्या व घाणीचे ट्रॅक्टर लावण्यात येतात यामधून संबंधित ठेकेदार व कर्मचारी भंगार व खराब पृष्ठ काढुन या ठिकाणी ठेवतात व पृष्ठ सुकवले जातात किंबहुना ओला झालेला कचरा देखील या ठिकाणी सुकविला जातो तर दुसर्या बाजूला पाचोरा कृषी उत्पन्न बाजार समितीत कुजलेले धान्य, भाजीपाला व घाणीच्या साम्राज्य व दुर्गंधीमुळे या ठिकाणी जिवन जगणे नकोसे झाले आहे म्हणुन महाजन परीवाराने आत्मदहनाचा पावीत्रा घेतला आहे.
या सदर्भात नूतन जिल्हाधिकारी यांनी पदभार स्वीकारल्यानंतर त्यांची थेट भेट घेऊन परिसराचे चित्रीकरण व फोटो सादर करून आत्मदहनाचे निवेदन देण्यात येणार आहे.
कोणताही अनुचीत प्रकार घडल्यास सदर प्रकरणी पाचोरा नगरपालिका मुख्याधिकारी,नगराध्यक्ष, उपनगराध्यक्ष, आरोग्य समिती,आरोग्य अधिकारी, शहराच्या विकासात % वारीत भागीदार असलेले सत्ताधारी व विरोधी नगरसेवकांसह कृषी उत्पन्न बाजार समीतीचे चेअरमन, व्हा. चेअरमन, सचिव संचालक मंडळ, व्यापारी असो. व मार्केट कमेटी हमाल-मापाडी असो. सर्व पदधिकारी यांना जबाबदार धरण्यात यावे अशा स्वरूपाचे निवेदन देऊन पाचोरा प्रांताधिकारी कार्यालयासमोर संदीप महाजन हे आपल्या परिवारासह आत्मदहन करणार आहेत.
