आमडदे ता.भडगाव – येथील रहिवाशी एकनाथ मोतीलाल भोसले (शिक्षक) यांच्या कन्या व प्रा.डॉ.योगेश तोरवणे (प्राध्यापक) राहणार कासारे यांच्या धर्मपत्नी प्रियदर्शनी यांना गौरा इव्हेंट्स अँड एटरटेनमेन्ट पुणे यांच्या मार्फ़त जळगाव येथील खान्देश सेंट्रल मॉल येथे नुकताच मिसेस खान्देश सम्राज्ञी या पुरस्काराने प्रथम क्रमांकाने गौरविण्यात आले.
प्रथमच जळगाव येथे गौरा इव्हेंटस अँड इन्टरटेन्मेंट पुणे यांच्या मार्फत मिसेस खान्देश सम्राज्ञी पुरस्कारासाठी स्पर्धा आयोजित करण्यात आली होती. ही स्पर्धा खान्देश सेन्ट्रल मॉल जळगाव येथे घेण्यात आली. स्पर्धेत खान्देशातील एकूण 45 सौंदर्यावतींनी सहभाग नोंदविला. स्पर्धेचे बक्षीस 51000 हजार रुपये, ट्रॉफी व प्रमाणपत्र असे होते.
आमडद्याची लेक भोसले कन्या व कासारे येथील सून प्रियदर्शनी यांना खान्देशातील प्रथम मिसेस सम्राज्ञी पुरस्काराने गौरविण्यात आले. प्रियदर्शनी या स्वतः महाराष्ट्र बँकेत नोकरीला आहेत. या पुरस्काराने राजकीय, सामाजिक, शैक्षणिक, क्षेत्रातील मान्यवरांनी प्रियदर्शनी यांचे कौतुक केले व भावी वाटचालीस शुभेच्छा दिल्या.
