नवी दिल्ली – अयोध्या येथील विमानतळाला आता महर्षी वाल्मीकी आंतरराष्ट्रीय विमानतळ, अयोध्याधाम’ असे नाव देण्यात येणार आहे. याआधी हा विमानतळ ‘मर्यादा पुरुषोत्तम श्रीराम अयोध्या आंतरराष्ट्रीय विमानतळ’ या नावाने ओळखला जात होते.येत्या २२ जानेवारी रोजी होतं असलेल्या श्रीराम मंदिरातील प्राणप्रतिष्ठा सोहळ्याआधी नावं बदलण्यात येणारं आहे.
प्राणप्रतिष्ठा सोहळ्याला अजून 25 दिवस बाकी आहेत. दरम्यान, मुंबई भाजपनेही हा दिवस भव्यदिव्य करण्याची घोषणा केली आहे. प्राणप्रतिष्ठा दिनी पक्षाचे नेते आणि कार्यकर्ते मुंबईत भव्य दिवाळी साजरी करतील.एवढेच नाही तर 22 जानेवारीनंतर मुंबईतील प्रत्येक विधानसभा मतदारसंघातून रामभक्तांना अयोध्याधामपर्यंत नेण्यासाठी विशेष ट्रेनची व्यवस्था करण्यात येणार आहे. हे सर्व कार्यक्रम मुंबई भाजप आणि राष्ट्रीय स्वयंसेवक संघ यांच्या संयुक्त विद्यमाने आयोजित करण्यात येणार आहेत.
प्राणप्रतिष्ठेसाठी शरद पवार, उद्धव ठाकरेंना निमंत्रण
अयोध्येत होणाऱ्या श्रीराम मंदिरातील प्राणप्रतिष्ठा सोहळ्याला रामजन्मभूमी मंदिर न्यास व विश्व हिंदू परिषदेने राष्ट्रवादी काँग्रेसचे सर्वेसर्वा शरद पवार आणि शिवसेनेचे (उद्धव बाळासाहेब ठाकरे) नेते उद्धव ठाकरे यांना निमंत्रित केले आहे.दरम्यान निमंत्रण देण्यावरून देशात राजकारण तापलं असतांना या या कार्यक्रमात राजकारण नको असं विश्व हिंदू परिषदेने म्हटले आहे. त्याच बरोबर समाजवादी पार्टीचे अध्यक्ष अखिलेश यादव, राजदचे अध्यक्ष लालूप्रसाद यादव, दिल्लीचे मुख्यमंत्री अरविंद केजरीवाल यांनाही निमंत्रित केले असून सर्व प्रमुख नेत्यांना निमंत्रित करण्यात आले आहे. आम्ही कुणालाही टाळलेले नाही. सर्वांनी सोहळ्याला यावे. हा सर्वांत शुभ सोहळा आहे, त्यात राजकारण करू नये असे विहिंपचे कार्याध्यक्ष आलोक कुमार यांनी देखील आवाहन केले आहे.
