जळगाव, (प्रतिनिधी)- भारतीय जनता पक्षाचे चाणक्य केंद्रीय गृह मंत्री अमित शहा यांचा पश्चिम बंगाल येथील आदिवासी कुटुंबासोबत खाली बसून जेवतांनाचा एक फोटो भाजपा जळगाव जिल्हाध्यक्ष आमदार सुरेश (राजूमामा) भोळे यांनी आपल्या ट्विटर हॅण्डल वरून ट्विट केला आहे.
आ. भोळे यांनी आपल्या ट्विट मध्ये म्हटलं आहे की, “ही सहजता, सभ्यता, जनमाणसात आपुलकी आणि ऋणानुबंध निर्माण करते, कोणताही बड़ेजाव नाही!आणि म्हणुनच उज्वल आहे भविष्यकाळ भाजपाचा, भारत मातेचा…”
पुढील वर्षी पश्चिम बंगालमध्ये विधानसभा निवडणुका होणार आहेत. टीएमसी आणि भाजप यांच्यात जोरदार लढत होणार आहे. राज्यात भाजप कार्यकर्त्यांना सातत्याने लक्ष्य केले जात आहे. दरम्यान, गृहमंत्री अमित शहा हे नुकतेच दोन दिवसांच्या दौऱ्यावर बंगालला गेले होते. अमित शहा यांनी ममता सरकारवर जोरदार हल्ला केला. शहा म्हणाले – ममता सरकारच्या विरोधात जनतेचा रोष आहे. अमित शहा यांनी आदिवासी कुटुंबासोबत जेवणही केले होतं त्या क्षणाचे हे फोटो असून आमदार राजूमामा भोळे यांनी ते आपल्या ट्विटर हॅण्डल अकाउंट वरून शेअर केले आहे.
