जळगाव, (प्रतिनिधी) – अखेर बस स्थानकावर लावण्यात आलेले फ्लेक्स / होर्डिंग आज दि.5 रोजी काढण्यात आले आहे. सदर होर्डिंग्ज / फ्लेक्स कोणी काढले या बाबत अधिकृत माहिती मिळू शकली नाही. या होर्डिंग्ज वर जाहिरात करण्यासाठीची मुदत ३१ मार्च २०२० ला संपलेली असतांना संबंधित कंत्राटदार संस्थेला कोणतीही मुदतवाढ दिलेली नसतांना याठिकाणी फ्लेक्स, होर्डिंग्स लावण्यात येत असल्याचा धक्कादायक प्रकार माहिती अधिकारात आरटीआय प्रशिक्षक दीपक सपकाळे यांना मिळालेल्या माहितीत उघड झाल्याचे वृत्त ‘नजरकैद’ लावल्यानंतर याठिकाणाहून तात्काळ होर्डिंग्ज फ्लेक्स काढून टाकले आहे.
याबाबत सविस्तर असे की,महाराष्ट्र राज्य मार्ग परिवहन मंडळ अंतर्गत येणारे जळगाव येथील बसस्थानक येथे उभारण्यात आलेले फ्लेक्स / होर्डिंग्ज आवाज विरहित जाहिरात होर्डिंग्ज, साईन बोर्ड, जाहिरात प्रदर्शित करण्यासाठी दिनांक 01/04/2017 ते 31/03/2020 या कालावधी करिता परवाना देण्यात आला होता.या कालावधीची मुदत संपायला तब्बल एक वर्षाचा कालावधी उलटला असतांना या ठिकाणी गेल्या वर्षभरात होर्डिंगवर जाहिरात करण्यात येत आहे.
ज्या संस्थेला या होर्डिंग्ज चे कंत्राट दिले होते त्या संस्थेचे काम संपल्यावर या ठिकाणी जाहिरात होत आहे हे येथील महाराष्ट्र राज्य मार्ग परिवहन मंडळाच्या अधिकाऱ्यांच्या लक्षात येत नाही का? असा प्रश्न निर्माण उपस्थित करण्यात आल्या नंतर आज तात्काळ होर्डिंग व फ्लेक्स हटविण्यात आले.
चौकशी होऊन कारवाई होणार का?
गेल्या वर्षभरात या ठिकाणी जाहिरातीचे होर्डिंग ज्या अनधिकृत एजन्सीने लावले त्या एजन्सीकडून याचे दांडात्मक भाडे वसुल करुन कारवाई तसेस या प्रकरणी परिवहन महामंडळाच्या प्रचलित कायद्यानुसार कारवाई व्हावी अशी अपेक्षा व्यक्त होत आहे.
