तेलंगणा : तेलंगणा राज्यातील रंगा रेड्डी जिल्ह्यातून एक धक्कादायक घटना समोर आलीय. येथे भरदिवसा एका 24 वर्षांच्या तरुणीचं घरात घुसून तिच्या वडिलांच्या देखत अपहरण करण्यात आलं. एएनआय वृत्तसंस्थेनं या घटनेचा व्हिडीओ ट्वीटरवरुन शेअर केला असून या घटनेनं पोलिसांच्या कार्यक्षमतेवरही सवाल उपस्थित केले जात आहे.
अपहरण करण्यात आलेल्या तरुणीचं वय 24 वर्ष असून तिचं नाव वैशाली असल्याची माहिती समोर आली आहे. आदिभटला परिसरातील एका घरात 100 पेक्षा जास्त लोकांनी घुसून घरातील सामानाची नासधूस केली. गाडीचीही तोडफोड केली. इतकंच नाही, तर या गुंडांना विरोध करणाऱ्या तरुणीच्या वडिलांनाही लाठ्याकाठ्यांनी मारहाण करण्यात आली. आरडाओरडा, झटापट आणि गोंधळ व्हिडीओमध्ये स्पष्ट दिसून आला आहे. यावेळी काही तरुणांनी आपले चेहरे दिसू नयेत म्हणून चेहऱ्यावर रुमाल बांधल्याचंही दिसून आलंय. आता या प्रकरणी पोलिसांकडून अधिक तपास केला जातोय. मात्र अद्याप कोणलाही अटक करण्यात आल्याची माहिती समोर आलेली नाही.
#WATCH | Ranga Reddy, Telangana | A 24-yr-old woman was kidnapped from her house in Adibatla y'day. Her parents alleged that around 100 youths barged into their house, forcibly took their daughter Vaishali away & vandalised the house. Police say, case registered & probe underway. pic.twitter.com/s1lKdJzd2B
— ANI (@ANI) December 10, 2022
एएनआय वृत्तसंस्थेनं दिलेल्या माहितीनुसार, 24 वर्षीय वैशालीला जबरदस्ती काही जण घरात घुसून घेऊन गेले असल्याचा आरोप पीडितेच्या वडिलांनी केला आहे. याप्रकरणी पोलिसांत तक्रारदेखील दाखल करण्यात आली आहे.
