जळगाव : ठाकरे गटाचे नेते उद्धव ठाकरेंनी काल कोकणातील खेडच्या सभेत शिंदे गटावर जोरदार टीका केली होती. त्यांच्या टीकेला पाणीपुरवठा मंत्री गुलाबराव पाटील यांनी जोरदार प्रत्युत्तर दिलंय.
काय म्हणाले पाटील?
उद्धव ठाकरेंच्या टीकेला प्रत्त्युत्तर देताना गुलाबराव पाटील म्हणाले, “बाळासाहेब तुमची स्वतःची प्रॉपर्टी नाही. मान्य आहे ते उद्धव ठाकरेंचे वडील आहेत. पण ते या देशाची आणि हिंदू समाजाची प्रॉपर्टी आहे. त्यामुळे त्यांचं नाव कुणीही वापरेल, अशा शब्दांत उद्धव ठाकरेंवर बरसले आहेत.
उद्धव ठाकरेंसोबत मी 35 वर्षे राहिलो आहे. त्यांचे शब्द प्रयोग मला माहिती आहेत. त्यामुळे आम्ही रक्त पिणारे नाही तर रक्त देणारे ढेकूण आहोत, असा चिमटा देखील त्यांनी उद्धव ठाकरे यांना काढला.
दरम्यान, यावेळी गुलाबराव पाटील यांनी होळीच्या शुभेच्छा दिल्या. बुरा न मानो होली हैं… मी माझ्या मित्रांना आणि विरोधकांना होळीच्या शुभेच्छा देतो. होळीच्या दिवशी मला वाईट बोलण्याची मानसिकता नाही, असं म्हणत गुलाबराव यांनी ठाकरे गटाला आणि ठाकरे गटाच्या नेत्यांना होळीच्या शुभेच्छा दिल्या.