पाचोरा,(किशोर रायसाकडा)- भडगाव पोलीस स्टेशन येथे गु.र.नं. १०४ / २०२१ भादंवि क. ३७९, ३४ प्रमाणे गुन्हा दाखल झाल्यानंतर सदर गुन्हयांत आरोपी निष्पन्न झाल्यानंतर शहारुख रज्जाक तडवी वय २५ रा.कोल्हे ता.पाचोरा हा गुन्हयांत अटक नव्हता. तो सदर गुन्हयांत अटक चुकवित होता सदर बाबत एम. राजकुमार, पोलीस अधीक्षक, जळगाव, रमेश चोपडे, अपर पोलीस अधीक्षक, चाळीसगाव यांनी किसन नजनपाटील, पोलीस निरीक्षक, स्थानिक जळगाव यांना सदर गुन्हयांतील आरोपीतांचा शोध घेवून त्यांना अटक करण्याबाबत योग्य त्या सुचना गुन्हे शाखा, देवून मार्गदर्शन केले.
त्याप्रमाणे किसन जलपाटील, पोलीस निरीक्षक, स्थानिक गुन्हे शाखा, जळगाव यांनी आरोपीतांची माहिती काढली असता आरोपी शहारुख रज्जाक तडवी वय २५ रा. कोल्हे ता. पाचोरा हा पिंपळगाव हरे ता.पाचोरा गावात आला असल्याची माहिती मिळाल्याने त्यांनी स्थानिक गुन्हे शाखा, जळगाव कडील पोहेकॉ/लक्ष्मण अरुण पाटील, पोना/रणजित अशोक जाधव, पोना/किशोर ममराज राठोड, पोना / श्रीकृष्ण खंडेराव देशमुख अशांचे पथक तयार केले. त्यांना पिंपळगाव हरे ता. पाचोरा गावी पाठविले. वरील पथकातील पोलीस अंमलदार यांनी पिंपळगाव हरे गावात आरोपीचा शोध घेवून त्यास चारही बाजुने घेरून शिताफीन ताब्यात घेतले. तसेच भडगाव पोलीस स्टेशन गु.र.नं. १०४ / २०२१ भादंवि क. ३७९,३४ या गुन्हयांत भडगाव पो.स्टे. ला हजर केले आहे.