देशात महिलांसह अल्पवयीन मुलींवर होणारे अत्याचाराच्या घटना काही केल्या कमी होत नाहीय. अशातच नात्याला काळिमा फासणारी घटना समोर आलीय. केरळमध्ये एका बापाने आपल्या सावत्र मुलीवर बलात्कार केला आणि ती गरोदर राहिल्यावर त्याने तिला गर्भपात करण्यास भाग पाडले. मात्र, हे प्रकरण पोलिसांपर्यंत पोहोचले आणि आता या प्रकरणात केरळ न्यायालयाने एका व्यक्तीला आपल्या अल्पवयीन सावत्र मुलीवर बलात्कार केल्याप्रकरणी एकूण 40 वर्षांची शिक्षा सुनावली आहे.
हे प्रकरण 2017 चे असून बलात्कारानंतर अल्पवयीन मुलगी (15) गर्भवती झाली होती. इडुक्की फास्ट ट्रॅक कोर्टाचे न्यायाधीश टी.जी. वर्गीस यांनी मंगळवारी 41 वर्षीय व्यक्तीला भारतीय दंड संहिता आणि लैंगिक गुन्ह्यांपासून मुलांचे संरक्षण (POCSO) कायद्याच्या विविध कलमांतर्गत 40 वर्षांच्या कारावासाची शिक्षा सुनावली.
विशेष सरकारी वकील (एसपीपी) शिजो मोन जोसेफ यांनी सांगितले की, वेगवेगळ्या कालावधीच्या तुरुंगवासाची शिक्षा एकाच वेळी चालते, त्यामुळे त्याला फक्त 10 वर्षे तुरुंगात घालवावे लागतील. फिर्यादीने सांगितले की, त्या व्यक्तीने सावत्र मुलीवर गर्भपात करण्यासाठी दबाव टाकला होता. यानंतर हे प्रकरण पोलिसात गेले आणि आरोपी वडिलांवर गुन्हा दाखल करण्यात आला.
हे पण वाचा…
आईचे दूध बाळासाठी धोकादायक! केजीएमयूचा धक्कादायक खुलासा
राज ठाकरेंविरोधात अटक वॉरंट जारी; आजच कोर्टात हजर राहणार, नेमकं काय आहे कारण?
आज शक्यतो प्रवास टाळा ; जाणून घ्या काय म्हणते तुमची राशी?
एसपीपीने सांगितले की, न्यायालयाने दोषीला एक लाख रुपयांचा दंडही ठोठावला आणि पीडितेच्या पुनर्वसनासाठी जिल्हा विधी सेवा प्राधिकरणाला 50,000 रुपये देण्याचे निर्देश दिले. सरकारी वकिलांनी सांगितले की, हा गुन्हा POCSO कायद्यात सुधारणा करण्यापूर्वी 2017 मध्ये घडला होता, त्यामुळे दोषीला फक्त 10 वर्षांची शिक्षा झाली. 2019 मध्ये कायद्यात दुरुस्ती केल्यानंतर या गुन्ह्यांमध्ये किमान 20 वर्षांच्या शिक्षेची तरतूद असल्याचे त्यांनी सांगितले.