जळगाव : भाजपचे खासदार नवनीत राणा या उद्या म्हणजेच सोमवारी जळगावात येणार आहेत. त्यांच्या उपस्थितीत सोमवारी सायंकाळी ७ ते ८ यावेळेत दधिची चौकात भव्य सामूहिक हनुमान चालिसा पठण व महाआरती होणार आहे, अशी माहिती महाराणा प्रताप गणेश मंडळाचे अध्यक्ष कल्पेश सोनवणे व ज्येष्ठ सदस्य कैलास सोनवणे यांनी दिली.
सामूहिक हनुमान पठणासाठी आठ ते दहा हजारांवर भाविकांची उपस्थिती राहणार असल्याचा अंदाज व्यक्त केला आहे. नववीत राणा या जीपमधून मिरवणुकीतून मंडळाच्या जागेवर येतील. त्यांच्या हस्ते आरती होऊन हनुमान चालिसा पठण होईल, अशी माहिती देण्यात आली.
कैलास सोनवणे यांनी सांगितले की, महाराणा प्रताप मंडळास ३५ वर्षे पूर्ण झाली आहे. मंडळाकडून गणेशोत्सवात धार्मिक देखावा करण्याची परंपरा आहे. गेल्या काही वर्षांत काशी, सोरटी सोमनाथ, राम मंदिर, श्री कृष्णाचे विराट रूपदर्शन असे देखावे सादर केले आहे.
हे पण वाचा :
फक्त 122 रुपयांच्या छोट्या गुंतवणुकीसह 26 लाख रुपयांचा निधी मिळवा! जाणून घ्या ‘या’ पॉलिसीबद्दल?
Video : मालगाडीचं इंजिन घुसले थेट शेतात ; मोठा अनर्थ टळला
Video : पन्नास खोके मंत्री ok.. धुळ्यात मंत्री दादा भुसेंसमोरच शेतकऱ्यांच्या घोषणा
यंदा मंडळाकडून औरंगाबाद जिल्ह्यातील भद्रा मारुतीचा देखावा करण्यात आला आहे. देखावा हनुमानाचा असल्याने खासदार नवनीत राणा या मंडळात आरतीसाठी येणार आहेत. त्यांच्या उपस्थितीत मंडळासमोर सामूहिक हनुमान चालिसा पठण केले जाणार आहे. या ठिकाणी भगव्या साड्या परिधान करून बहुसंख्य महिला देखील उपस्थित राहणार आहेत. तसेच मुस्लिमबांधवही उपस्थित राहणार आहेत.
