अमरावती : अमरावती जिल्ह्यातील कुष्टा शेत शिवारात शिवारातील शेत तळ्यावर सेल्फी घेत असताना 13 वर्षीय मुलगी बुडाली. तर तिला वाचवण्यासाठी गेलेल्या 25 वर्षांच्या तरुणाचा देखील अंत झाला आहे. दर रोज शेततळ्यावर व्हिडीओ बनवून मनोरंजन करणाऱ्या दोघांना याच शेततळावर जलसमाधी मिळाली आहे.
कुष्टा शेत शिवारातील शेत तळ्यावर सेल्फी घेत असताना 13 वर्षीय हर्षा वांगे पाण्यात बुडाली. हर्षा बुडत असताना तिला वाचवण्यासाठी 25 वर्षांच्या बाजीलाल कासदेकर याने देखील उडी घेतली. मात्र शेत तळ्यावर पंनी लागली असल्याने त्यांना बाहेर निघता आले नाही आणि दोघांनाही जीव गमवावा लागला.
पोलीस आणि बचाव पथकाच्या मदतीने दोघांचे मृतदेह बाहेर काढण्यात आले. शवविच्छेदन करण्याकरिता पोलिसांच्या मदतीने अचलपूर उपजिल्हा रुग्णालयात दोघांचेही मृतदेह पाठवण्यात आले आहेत.
बाजीलाल हा सोशल मीडियावर अनेक व्हिडीओज बनवण्याचं काम करत होता. “किस्सा नहीं, कहानी बन गई” हा त्याचा व्हिडीओ अखेरचा ठरला आहे.
दर रोज शेततळ्यावर व्हिडीओ बनवून मनोरंजन करणाऱ्या दोघांना याच शेततळावर जलसमाधी मिळाली आहे. त्यामुळे तारुण्यात असलेल्या अनेकांना वेड लागलेल्याना जीवावर बेतेल असे कृत्य करू नये असे आवाहन पोलिसांकडून करण्यात येत आहे.
