जळगाव | जिल्ह्यात कोरोना रुग्णांचा आलेख वाढताच आहे. सलग तिसऱ्या दिवशी ४०० हून अधिक रुग्ण आढळून आले आहे. आज गुरुवारी ४५१ नवे बाधित रुग्ण आढळून आले आहे. त्यामुळे जिल्ह्यातील उपचार घेत असलेल्या रुग्णांची संख्या तीन हजारावर गेली आहे. दरम्यान आज २८५ रुग्ण बरे होऊन घरी गेले आहे.
आज आढळून आलेल्या रुग्ण संख्येनंतर जिल्ह्यातील एकूण बधितांची संख्या १ लाख ४६ हार ७०५ वर गेली आहे. तर त्यापैकी १ लाख ४१ हजार ९१ रूग्ण बरे होवून घरी परतले आहे. जिल्ह्यात सध्या ३ हजार ३४ रूग्ण संक्रमित असून विविध कोवीड रूग्णालयात उपचार घेत आहे. आतापर्यंत २ हजार ५८० रूग्णाचा उपचारादरम्यान मृत्यू झाला आहे.
जळगाव शहर-१५९, जळगाव ग्रामीण-३६, भुसावळ-५२, अमळनेर-१२, चोपडा-२१, पाचोरा-३, भडगाव-१२, धरणगाव-२०, यावल-१२, एरंडोल-२, जामनेर-२७, रावेर-७, पारोळा-१८, चाळीसगाव-३२, मुक्ताईनगर-०, बोदवड-३४ आणि इतर जिल्ह्यातील ४ असे एकुण ४५१ बाधित रूग्ण आढळून आले आहे.
