पुणे,दि.23 – काँग्रेसचे ज्येष्ठ नेते व विधानपरिषदेचे गटनेते आमदार शरद रणपिसे यांचे आज दि 23 रोजी वयाच्या 72 व्या वर्षी निधन झाले आहे. पुण्यातील एका खासगी रुग्णालयात शरद रणपिसे यांच्यावर उपचार सुरू होते.त्यांची प्राणज्योत उपचारादरम्यान मालवली.
आमदार शरद रणपिसे यांच्यावर गेली चार ते पाच दिवस व्हेंटिलेटरवर उपचार सुरु होते. रणपिसे यांच्यावर झालेल्या हर्नियाच्या शस्रक्रिये नंतर त्यांना हृदयविकाराचा झटका आला होता.त्यानंतर त्यांची बायपास सर्जरी करण्यात आली होती. दरम्यान, आज उपचारादरम्यान त्यांनी अखेरचा श्वास घेतला.आमदार रणपिसे यांच्या निधनामुळे काँग्रेस पक्षाची मोठी हानी झाली असून एक अभ्यासू व्यक्तीमत्व हरपले आहे.
