जळगाव प्रतिनिधी : वाळू वाहनावर करवाई न करण्यासाठी दहा हजारांची लाच स्वीकारताना वरणगाव पोलिस ठाण्यातील उपनिरीक्षकासह एका कर्मचाऱ्याला जळगाव एसीबीच्या पथकाने आज गुरुवारी दुपारी १ वाजेच्या सुमारास अटक करण्यात आली असून गुन्हा दाखल करण्यात आला आहे.
तक्रारदार हे वाळू वाहतूकीचा व्यवसाय करतात. वरणगाव पोलीस हद्दीत वाळूची वाहतूक करतांना पोलीस उपनिरीक्षक सुनिल जगन्नाथ वाणी (वय-५६) रा. भिरूड कॉलनी जळगाव आणि गणेश महादेव शेळके (वय-३१) रा. पोलीस वसाहत वरणगाव यांनी कारवाई केली. कारवाई न करण्याच्या मोबदल्यात पोउनि सुनिल वाणी यांनी १० हजाराची लाचेची मागणी केली. आज दुपारी ११ वाजेच्या सुमारास गणेश शेळके हे पोलीस स्टेशनमध्ये तक्रारदारकडून १० हजार रूपयांची रक्कम स्विकारतांना लाचलुचपत विभागाच्या पथकाने रंगेहात पकडले. दोघांवर वरणगाव पोलीस ठाण्यात गुन्हा दाखल करण्यात आला आहे.
यांनी केली ही कारवाई
पोलीस उपअधिक्षक सतिष भामरे यांच्या मार्गदर्शनाखाली पो.नि. संजोग बच्छाव, पो.नि. लोधी, सहाय्यक फौजदार दिनेशसिंग पाटील, अशोक अहीरे, सुनिल पाटील, सुरेश पाटील, रविंद्र घुगे, मनोज जोशी, सुनिल शिरसाठ, जनार्धन चौधरी, प्रविण पाटील, नासिर देशमुख, इश्वर धनगर, प्रदीप पोळ, महेश सोमवंशी यांनी ही कारवाई केली.
