Spread the love

Reel बनवण्याच्या नादात कार थेट दरीत कोसळल्याने एका २३ वर्षीय मुलीचा मृत्यू झाल्याची घटना छत्रपती संभाजीनगर येथून समोर आली आहे, तरुणी कारमध्ये बसून रिल्स (Reels) बनवत असताना तरूणी कार रिव्हर्स घेत असतांना दरीत कोसळली. या घटनेत तरुणीचा दुर्दैवी मृत्यू झाला.घटनेमध्ये २३ वर्षीय तरुणीचा जागीच मृत्यू झालाय. श्वेता दीपक सुरवसे असं या तरुणीचे नाव आहे. दौलताबाद परिसरातील सुलीभंजन येथील दत्त मंदिराजवळ ही घटना घडली. यामुळे एकच खळबळ उडाली आहे.दरम्यान घटनेचा व्हिडीओ सोशल मीडियावर व्हायरल झाला असून हळ हळ व्यक्त होत आहे.

छत्रपती संभाजीनगर जिल्ह्यातील दौलताबाद परिसरात असणाऱ्या सूलीभंजन येथील दत्त मंदिराजवळ ही तरुणी कार चालवत रील बनवत होती. त्यावेळी या तरुणीने कार पुढे नेण्याच्या ऐवजी मागे नेली आणि मोठा अनर्थ घडला. कारसोबत ही तरुणी दरीत कोसळली.

श्वेता छत्रपती संभाजीनगर शहरामध्ये राहत होती. ही तरुणी आणि तिचा मित्र शिवराज संजय मुळे हे दोघेही संभाजीनगर येथून एका कारणे दत्त मंदिर परिसरात आले होते. या ठिकाणी तरुणी आपल्या मोबाईलमध्ये रिल् तयार करत होती. अशामध्ये तिने आपल्या मित्राला मी पण कार चालून बघते तू रील बनव असे सांगितले. मात्र ही तरुणी कार चालवायला नवीन असल्याने तिने कार पुढे नेण्याऐवजी कारचा रिव्हर्स गिअर टाकला आणि ही कार थेट दरीत कोसळली.