जळगाव,(प्रतिनिधी): तालुक्यातील रामदेववाडी गावाजवळ मंगळवार, दि.७ रोजी संध्याकाळी ५ वाजेच्या सुमारास भरधाव कारने दुचाकीला जोरदार धडक दिल्याने वत्सला उर्फ राणी सरदार चव्हाण (वय ३०), मुलगा सोमेश सरदार चव्हाण (वय २), सोहम सरदार चव्हाण (वय ७, सर्व रा. शिरसोली, ता. जळगाव) ठार झाले. या घटनेत मयत महिलेचा भाचा गंभीर जखमी झाला असून त्याच्यावर शासकीय वैद्यकीय महाविद्यालयात उपचार सुरु आहेत. याप्रकरणी एमआयडीसी पोलिस स्टेशनला गुन्हा दाखल करण्यात आला आहे.
जिल्ह्यातील जळगाव व रावेर या दोन्ही मतदार संघात मतदान केंद्रावर असणार ‘या’ १५ सुविधा
मयत वत्सला चव्हाण या रामदेववाडी येथे आशा वर्कर म्हणून नियुक्तीला होत्या, मंगळवार दि. ७ रोजी त्या मुलगा सोहम व सोमेश चव्हाण आणि भाचा लक्ष्मण भास्कर राठोड यांच्यासह दुचाकीने शिरसोली येथे जात होत्या. रामदेववाडी गावाच्या पुढे असलेल्या वनविभागाच्या गेटजवळ भरधाव कारने (क्र. एम.एच. १९ सी.व्ही. ६७६७) चव्हाण यांच्या दुचाकीला जोरदार धडक दिली. यात वत्सला व मुलगा सोमेश चव्हाण हे दोघे जागीच ठार झाले. तर सोहम चव्हाण याला व शासकीय महाविद्यालय उपचारासाठी दाखल करण्यात आले होते त्याचा देखील उपचारा दरम्यान मृत्यू झाला.अपघातानंतर धडक देणाऱ्या कारचा चालक पसार पसार झाला. संतप्त जमावाने रास्ता रोको करीत एम.एच. १९ सीएच ११७७ या वाहनाची तोडफोड केली.
