पुणे : आपण अनेकवेळा रेल्वे गाड्यांमध्ये जागेवरून होणारे भांडणे पाहिलेत असतील. अशाच प्रकारे सिंहगड एक्सप्रेसच्या बोगीत चाकरमानी यांच्यात जागेवरुन तुफान हाणामारी बघायला मिळाली. सहास गुण्यागोविंदाने पुणे मुंबई रेल्वे प्रवास करणारे चाकरमानी भांडणाच्या मूडमध्ये दिसून आले.
सिंहगड एक्सप्रेस बुधवारी सकाळी चिंचवड स्टेशनवर आली असता काही प्रवाशांमध्ये जागा पकडण्यावरून वाद सुरू झाला. हा वाद पुढे इतका वाढला की प्रवाशांमध्ये यावेळी जोरदार हाणामारी सुरु झाली. अगदी काही प्रवासी डब्यात खाली पडेपर्यंत ही हाणामारी झाली. डब्यात उपस्थित इतर प्रवाशांनी मध्यस्थी केल्यानंतर हा वाद थांबला. या वादानंतर आता पुन्हा एकदा पिंपरी आणि चिंचवडसाठी वेगळ्या बोगीची मागणी होताना दिसत आहे.
पुणे : सिंहगड एक्सप्रेसमध्ये प्रवाशांमध्ये जागेवरुन तुंबळ हाणामारी, घटनेचा Video व्हायरल pic.twitter.com/3T8nYsoMiC
— Maharashtra Times (@mataonline) October 13, 2022
या घटनेचा व्हिडिओ तिथेच असलेल्या काही प्रवाशांनी आपल्या मोबाईलमध्ये रेकॉर्ड केला असून तो व्हिडिओ प्रचंड व्हायरल होत आहे. दरम्यान, काही दिवसांपूर्वी मुंबईत लोकल ट्रेनमध्येच महिला प्रवाशांची फ्रीस्टाईल हाणामारी झाल्याचं पाहायला मिळालं. ट्रान्स हार्बर लोकल मार्गावरील ठाणे ते पनवेल लोकलमध्ये हा प्रकार घडला. बसण्याच्या जागेवरुन झालेल्या क्षुल्लक वादातून महिला आपापसात भिडल्या. पनवेलच्या दिशेने जाणाऱ्या लोकलमध्ये ही जोरदार मारामारी झाली. हा प्रकार ट्रेनच्या डब्यातील इतर महिलांनी कॅमेरात कैद केला.
