- एल.एच.पाटील इंग्लिश मेडीयम जळगाव स्कूलचा व्हॉट्सअप ग्रुपव्दारे विद्यार्थ्यांना अभ्यास
- लॉकडाऊनमध्येही विद्यार्थ्यांच्या प्रगतीसाठी प्रयत्न
- शिक्षक, विद्यार्थी, पालकांचा सहभाग
प्रगत तंत्रज्ञानाद्वारे विद्यार्थी शिक्षकांच्या संपर्कात
जळगाव,(प्रतिनिधी): शहरातील एल.एच.पाटील इंग्लिश मेडीयम स्कूलने नियोजन करुन कोरोनामुळे शाळेला सक्तीची सुट्टी दिली असतांना विद्यार्थ्यांमधील गुणवत्ता वाढीसह त्यांच्या कला गुणांना वाव मिळण्यासाठी प्रयत्न केले जात आहेत. व्हॉट्सअप ग्रुपद्वारे विद्यार्थ्यांना अभ्यास पाठवला जातो आणि केलेला अभ्यास पालक शिक्षकांना पाठवतात. यामुळेच शिक्षक, विद्यार्थी व पालक मिळून सारेजण लॉकडाऊनच्या काळातही विद्यार्थ्याच्या प्रगतीसाठी अविरतपणे कार्यरत आहेत.
नर्सरी, जुनिअर, सिनिअर विद्यार्थ्यांना विविध विषयाच्या अभ्यासक्रमावर आधारित कार्यपत्रके ज्यातून विद्यार्थ्यांना मजा पण करता येईल असे उपक्रमशील कार्य विद्यार्थ्यांकडून करून घेतले जात आहे.तसेच सामान्य ज्ञान (जीके) चे प्रश्न त्याच बरोबर कला आणि हस्तकला असे विविध कार्य विद्यार्थ्यांकडून करून घेतले जात आहे.तर आठवड्यातून एकदा कुटुंबांसाठी शाररिक फिटनेस चे टिप्स दिल्या जात आहे. व्हॉट्सअप ग्रुपमधून रोज असे अभ्यास देऊन सोडवायला सांगितले जातात. सध्याच्या इयत्तेच्या अभ्यासक्रमावर आधारित आहे. दररोज पालक व्हॉट्सअप ग्रुपमधून शिक्षकांकडे पाठवतात. हे प्रश्नसंच व इतर ऍक्टिव्हिटी शिक्षक तपासून विद्यार्थ्यांना त्यांच्या काही सुधारणा असल्यास त्या समजावून सांगतात.
मोठ्या मुलांच्या वर्गासाठी प्राचार्य शिल्पा मलारा यांच्या मार्गदर्शनाने व्हिडीओ व्याख्यान देखील दिले जात आहे.लॉकडाऊन काळात देखील मुलांसाठी व्हाट्सअप च्या माद्यमातून स्कूल असे उपक्रम उपलब्ध करून दिल्याने पालकांमधून समाधान व्यक्त करण्यात येत आहे. या सर्व उपक्रमात नियोजनपूर्वक आपला वेळ देऊन विद्यार्थ्याच्या हितासाठी काम करणाऱ्या स्कूलचे संचालक जितेंद्र पाटील, कुणाल राजपूत यांनी महत्वाची भूमिका पार पाडत आहे.
प्रगत तंत्रज्ञानाचा उपयोग करून विद्यार्थ्यांच्या गुणवत्ता वाढीसाठी एल.एच.पाटील स्कूल प्रयत्न करतांना दिसत आहे.
कोरोना विषयी जनजागृती
कोरोनाबद्दल जनजागृती करण्यासाठी एल.एच.पाटील स्कूलच्या प्राचार्य शिल्पा मलारा यांच्या सह कर्मचार्यांनी पुढाकार घेत सोशल मीडियाच्या माध्यमातून फोटोग्राफी द्वारे कोरोना व्हायरसच्या विरोधात लढण्यासाठी एकत्र येण्यासाठी आणि घरी सुरक्षित राहण्याचे,सोशल डिस्टन्स पाळण्याचे, नियमित हात धुण्याचे तसेच माक्स लावण्याचे आवाहन करून जनजागृती केली आहे.
