दिवसेंदिवस सेक्सटॉर्शनच्या, हनीट्रॅपच्या घटना वाढल्या असून यावर नागरिकांनी सावधगिरी बाळगनं हा मोठा उपाय आहे.अनेकांना सेक्सटॉर्शनच्या जाळ्यात ओढून त्यांची फसवणूक करणाऱ्या टोळ्या सक्रिय झाल्या आहे त्यामुळं सावधान राहण्याची आवश्यकता असून तुमच्या मोबाईलवर अनोळखी नंबरवरून इंटरनेट अथवा वॉट्सअप व्हिडीओ कॉल आल्यास काळजी घ्या… असा कॉल उचलणं टाळा कारण पुण्यात एका जेष्ठ व्यक्तीला अनोळखी व्हिडीओ कॉल आला आणि तो त्यांनी उचलला देखील, मात्र तो व्हिडीओ कॉल एका महिलेचा न्यूड कॉल होता.. फोन ठेवल्यावर काही क्षणातंच जेष्ठ नागरिकाच्या मोबाईलवर न्युड कॉल वर बोलतानाचे फोटो पाठवले आणि तिथून सुरु झाले जेष्ठनागरिकांच सेक्सटॉर्शन…
पुण्यातील एका व्यक्तीला एका महिलेने न्यूड कॉल केला. यानंतर काही वेळातच त्याच्या फोनवर न्यूड कॉलचा स्क्रीनशॉट पाठवून त्याला ब्लॅकमेल करण्यास सुरुवात केली. पैसे दिले नाही तर हे फोटो तुमच्या नातेवाईक आणि मित्र-मैत्रिणीला पाठवू अशी धमकी देखील दिली. या मुळे या वृद्ध व्यक्तीने समोरच्या व्यक्तीला चार लाख रुपये दिले. मात्र, आणखी पैशाची मागणी केल्याने त्रस्त झालेल्या वृद्ध व्यक्तीने पोलिसांत धाव घेत हा प्रकार पोलिसांना सांगितला. या प्रकरणी सायबर क्राइम अंतर्गत गुन्हा दाखल करण्यात आला आहे.
पोलिसांनी दिलेल्या माहितीनुसार, वारजे परिसरात राहणाऱ्या एका ६० वर्षीय वृद्धाची सेक्सटॉर्शन करून फसवणूक करण्यात आली. ही घटना शुक्रावारी (दि. ५) घडली. जर तुमची बदनामी तळायची असेल तर हे पैसे द्या अशी धमकी देखील आरोपींनी दिली. बदनामीच्या भीतीपोटी वृद्ध फिर्यादीने ४ लाख ४० हजार रुपये त्यांना दिले. मात्र, त्यांनी त्यांना ब्लॅकमेल करणे सुरूच ठेवले. यामुळे त्रस्त झालेल्या आरोपीने थेट पोलिसांत धाव घेत या प्रकरणी तक्रार दिली.
या वृद्ध व्यक्तीला एका अनोळखी क्रमांकावरून व्हिडीओ कॉल आला. प्रोफाईल फोटो व मुलीचे नाव बघून संबंधित व्यक्तीने हा फोन कॉल उचलला. या नंतर त्याच्या समोर एक एक अवस्थेतील मुलीने त्याच्याशी संवाद साधला. दरम्यान, काही वेळताच
फिर्यादीच्या व्हॅट्सऍपवर ७-८ फोटो आले. यात ते एका मुलीबरोबर अश्लील कृत्य करत असल्याचे भासवणारे ‘स्क्रीनशॉट’ होते. हे पाहून या वृद्ध व्यक्तीला मोठा हादरा बसला. तसेच आरोपीने त्यांना हे फोटो व्हायरल करण्याची धमकी देत त्यांना बँक खाते पाठवून त्यावर पैसे पाठवण्यास सांगितले. आरोपीने हे फोटो नातेवाईक, मित्र मैत्रिणीला पाठवण्याची आणि हे फोटो सोशल मीडियावर व्हायरल करण्याची धमकी दिली. यामुळे घाबरलेल्या फिर्यादीने त्यांना ४ लाख ४० रुपये दिले.
